“கிறிஸ்து பிறப்பின் அறிவிப்பில் வானதூதர்கள் எடுத்துரைத்ததும், கிறிஸ்துவின் உயிர்ப்பின் போது எடுத்துரைக்கப்பட்டதும் ‘அமைதி’ என்ற வார்த்தையே. ‘அமைதியை ஏற்படுத்துபவர்கள் பேறுபெற்றவர்கள்’ என்ற முறையில் திருப்பீடத்துடனான உறவிற்கு உதவும் அரசு தூதுவர்கள் அனைவரும் அமைதியைக் கொண்டு வர உழைக்க வேண்டியது அவர்களின் கடமை.”

- சனவரி 8, வத்திக்கான் திருப்பீட அரசு தூதர்களுக்கான செய்தி

“திருமுழுக்கு அருளடையாளம் வழியாகக் கடவுள் நம்முடன் மிக நெருக்கமாகி விட்டார். திருமுழுக்கு என்பது மறுபிறப்பு; கடவுளின் அருளை நாம் பெற்றுக்கொண்ட நாள்; எனவே, அந்த நாளை நாம் கட்டாயம் நம் நினைவில் வைத்திருக்க வேண்டும்.”

- சனவரி 7, ஞாயிறு மூவேளை செபவுரை

“ஞானியர் குழந்தை இயேசுவைக் கண்டது போல நாமும் நம்பிக்கை, ஆச்சர்யம், ஆர்வம் கொண்டு குழந்தை இயேசுவைக் காண வேண்டும். மேலும், கடவுள் எளிய குழந்தையாக, அன்பானவராக நமக்காகப் பிறந்தார் என்பதை உணர்ந்து வாழ வேண்டும்.”

- சனவரி 6, திருக்காட்சிப் பெருவிழா மறையுரை

“திரு நற்கருணையில் இயேசுவை வணங்கி ஆராதிப்பது என்பது நேரத்தை வீணாக்குவதல்ல; மாறாக, நேரத்திற்கான அர்த்தத்தை வழங்குவது மற்றும் இதயத்திற்கு ஊட்டமளிக்கும் எளிமையான அமைதியில் வாழ்வின் பாதையைக் கண்டறிவது.”

- சனவரி 5, திருத்தந்தையின் ‘டுவிட்டர்’ செய்தி

“கிறிஸ்துவின் மீது நம்பிக்கைக் கொண்டுள்ள ஒவ்வோர் ஆணும்-பெண்ணும் பல்வேறு விதமான போர்களாலும், மோதல்களாலும், வன்முறைகளாலும் பாதிக்கப்பட்டுக் காயமடைந்துள்ள இவ்வுலகில்,  அமைதியின் பாலங்களைக் கட்டுபவர்களாக நாம் இருக்க வேண்டும்.”

- சனவரி 4, அசிசியார் சபை மாத இதழுக்கான நேர்காணல்